2008 yil ohirlarida “Uzavtosanoat” aktsiyadorlik kompaniyasi, “General Motors” korparatsiyasi va Evropaning yirik texnik universitetlaridan biri bo‘lgan Turin politexnika universiteti (Italiya) o‘rtasida Toshkent shahridagi Turin politexnika universitetini tashkil etish to‘g‘risida kelishuvga erishildi.Universitetning rasmiy tashkil etilgan kuni 2009 yil 27 aprelda qabul qilingan O‘zbekiston Respublikasi Prezidentining “Toshkent shahridagi Turin politexnika universiteti faoliyatini tashkil etish to‘g‘risida”gi qarori e’lon qilingan kuni hisoblanadi.Universitetning strategik rivojlantirish rejasiga asosan universitet nafaqat avtomobilsozlik, balki qurilish va arxitektura, energetika va axborot texnologiyalari sohalari uchun kadrlar tayyorlaydigan ta’lim muassasasiga aylanishi nazarda tutilgan. Bu borada har yili bakalavriyatning 4 ta “Mashinasozlik texnoligiyasi”, “Aviakosmik injiniring”, ”Sanoat qurilish va arxitektura” hamda “Axborot texnologiyalari va sanoatda ABT” yo‘nalishlariga shuningdek magistraturaning “Mashinasozlik texnologiyasi” va “Mexatronika” mutaxassisliklariga qabul amalga oshiriladi.