Loyiha haqida

Bu qanday loyiha?

Havola.uz - foydalanuvchilarni axborot texnologiyalariga oid sohalar bilan tanishtirish, raqamli mahsulot va xizmatlar yaratishda foydalaniladigan zamonaviy vositalar haqida ma'lumot berish, dasturlashga oid bilimlarni egallash va tajriba oshirishga yordam beradigan manbalarni taqdim etish, hamda ochiq manbali yoki shaxsiy loyihalarni ulashish, loyihalar orqali pul topish vositalaridan xabardor qilish maqsadida yaratildi.

Bu loyiha kimlar uchun?

Dasturlash va axborot texnologiyalarga oid boshqa sohalarni o'rganmoqchi bo'lganlar, hozirda o'rganayotganlar yoki bu sohalarda o'z faoliyatini yuritayotgan mutaxassislar uchun.

O'rganmoqchi bo'lganlar AT sohalari va vositalaribilan tanishishlari, o'rganish uchun o'ziga mos manba topishlari mumkin.

O'rganayotganlar o'zi uchun qiziqarli bo'lgan sohalarga oid qo'shimcha ma'lumotlar, davom ettirish uchun tanlovlarni ko'rib chiqishlari mumkin.

Allaqachon bu soha ichida yurgan mutaxassislar esa o'z bilim va tajribalaridan kelib chiqqan holda u yoki bu manba bo'yicha fikr bildirishlari, o'zlari ma'qul deb topgan manbalarni taklif qilishlari va boshqalar uchun manfaatli bo'ladigan loyihalarini ulashishlari mumkin. 

Qolaversa, dasturlash kurslari yoki o'zlari tomonidan tayyorlangan video darslarni ulashish imkoniyati mavjud.

Loyiha nimalardan tashkil topgan?

  1. Bo'limlar: Sohalar, vositalar, manbalar va loyihalar.
  2. Guruhlar. Har bir soha o'z navbatida vazifasi yoki maqsadidan kelib bir qancha guruhlarga bo'linadi.
  3. Elementlar. Saytning asosi. Guruhlar elementlardan tashkil topgan.

Har bir elementda " Yoqdi"/" Yoqmadi" tugmasi mavjud. Bu tugmalardan maqsad bo'lim yoki guruhda eng maqbul elementni aniqlash. Bu esa o'z navbatida boshqalar uchun tanlovni osonlashtiradi.

Sohalar va vositalar bo'limidagi elementlarda qo'shimcha " Bilaman/foydalanaman", " O'rganyapman", " O'rganishni xohlayman" ma'nolarini ifodalovchi tugmalar mavjud va har bir bosilgan tugma foydalanuvchi profilida ko'rinadi. Bu tugmalardan maqsad:

  • Qaysi soha yoki vosita eng ommabopligini, qaysilariga qiziqish ortib borayotganligini aniqlash va bunday statistikani saytda taqdim etish
  • Biror soha yoki vositani o'rganayotganlar bularni biladiganlardan yordam so'rashga yoki birgalikda o'rganish uchun aloqa o'rnatishga imkoniyat yaratish
  • Foydalanuvchilar biror soha yoki vositaga qiziqishlarini bildirish orqali boshqalarga motivatsiya berish
  • Kelgusida bu borada qilinadigan boshqa rejalar uchun zamin.

Hmm, menga ma'qul, bunga qanday xissamni qo'shishim mumkin?

Buning bir qancha yo'llari mavjud:

  1. Saytda ro'yxatdan o'tish
  2. Sizga yoqqan yoki yoqmagan elementga " Yoqdi"/" Yoqmadi" tugmasini bosish
  3. " Bilaman/foydalanaman", " O'rganyapman", " O'rganishni xohlayman" tugmalaridan unumli foydalanish
  4. Biror elementga foydali izoh yozish orqali o'z munosabatingizni bildirish
  5. Biror elementga tuzatish yoki to'ldirish kiritish
  6. Yangi bo'limlarning biriga mos keladigan yangi element qo'shish
  7. Boshqa fikrlar bo'lsa bog'lanish formasi orqali xabar yuborish.
  8. Va albatta loyihani imkon boricha ulashish.

Nimalar mumkin emas?

  • Axborot texnologiyalariga oid bo'lmagan elementlar qo'shish
  • Mualliflik huquqini buzish orqali manbalar, materiallar va kitoblarni ulashish
  • Avval qo'shilgan elementlarni takror qo'shish
  • Saytni DDoS ataka yoki hack qilish :)