Eng avvalo shuni ta’kidlab o’tishim kerakki bu maqolada keltiriladigan usullar ketma-ketligi orqali nafaqat dasturchi va dizaynerlikda, balki istalgan boshqa kasbda ham portfolioingizni tez boyitishingizda yordam berishi mumkin. Keling unda eng boshidan boshlaymiz.

Portfolio o’zi nima ?
Men endigina dasturlash olamiga qadam qo’yganimda, juda ko’p nutqlarda dasturchi uchun portfolio juda muhim ekanligi haqida eshitardim-u, lekin aslida bu so’z qanday ma’no anglatishini tushunmas edim. Lug’at orqali tarjima ham qilib ko’rgandim. Bir necha tarjimalar chiqqandi ham, shulardan biri hujjat va chizmalar solib yurishga mo’ljallangan keys ma’nosida edi. Tarjimadan qoniqmay Google-ga yuzlandim, bunda esa oldimdan moliyaviy portfolio haqida ma’lumot chiqib keldi. U haqida ko’p o’qib o’tirmadim-u, lekin u yerdagi ma’no ham boshqacharoq edi menimcha. So’ng, qayerdadir menga kerak bo’lgan portfolioning ma’nosini bilib qoldim va o’zim tushunganimcha sizga ham ma’lumot berib o’taman:

Portfolio - sizning karyerangiz davomida tayyorlagan ishlaringiz jamlanmasi hisoblanadi. Masalan men dasturchiman va bu holatda men tayyorlagan barcha veb-saytlar mening portfoliyoimdan joy egallashi mumkin, hattoki biror jamoa safida tayyorlagan ishlarim ham. Agar so’zning ma’nosi tushunarli bo’lgan bo’lsa, o’zingizni tayyorlagan ishlarinigizniga bir nazar tashlab olsangiz ham bo’ladi.

So’zning ma’nosini tushunib oldim, endi yaxshi portfolioga qanday erishaman?
Yana bir narsani ta’kidlab o’tishim kerakki bu maqola asosan dasturlash sohasida yetarlicha bilmi bor, lekin yaxshi ish topishda qiynalib yurganlar uchun yozilmoqda. Shuning uchun sohani qanaday o’rganish mumkinligi haqida bu yerda yozmadim. Bunday maqolalarni telegramdagi blogimdan topishingiz mumkin.

Demak sizda bilim bor, uni amaliy ishlarga sarf qilish qoldi halos. Sizga quyida bunday amaliy ishlarni amalga oshirish uchun bir necha usullar haqida ma’lumot berib o’taman:

1. Tayyor veb-saytlarni qaytadan o’zingiz tayyorlang.
   Bunda sizdan talab qilinadigan ish, ishlab turgan, yaxshi dizaynga ega veb-saytlarni qaytadan tayyorlab chiqish. Bilaman buni sizdan hech kim sotib olmasligi mumkin. Maqsadingiz ham bunday bo’lishi kerak emas. Siz nimalarni uddalay olishingizni ko’rsatishingiz kerak. Shuning uchun ilmingiz yetadigan darajadagi, zamonaviy dizaynga ega veb-saytni tanlashga e’tibor bering. Kodlarning toza va tushinarli yozilishi esa unutib bo’lmas maslahat. Yaxshi veb-saytlarni qayerdan topaman desangiz mana sizga manba. Themeforest.net - istalgan uslubingizdagi veb-saytni topa olasiz.
2. Rivojlanagan kompaniyalarning beo’xshov veb-saytlarini qayta tayyorlab bering.
   Bunda kompaniya sizdan veb-saytni sotib olishi muhim emas. Eng asosiysi, siz kuchli kompaniyalarga, chiroyli dizayn va aniq yo’nalishga ega veb-saytlar tayyorlab bera olishingizni isbotlay olishingiz. Buning uchun nima qilish kerak ? Eng avvalo, rivojlanagn biror kompaniyaning veb-saytiga tashrif buyuring. Nishonni aniq qilib olganingizdan so’ng esa, qog’oz va qalam olib undagi kamchiliklarni yozib chiqing. Keyingi qadam yangi dizayn tuzish. Iya dizayn tayyorlashni bilmayman-ku ? Biror bir ishi yurishmayotgan yoki endigina sohani o’rgangan dizaynerni topib uni yaxshi portfolio evaziga ishlashga ko’ndiring. Bu masala ham hal. Nega beo’xshov veb-sayt dedim bilasiz-mi ? Ko’p kompaniyalarning veb-sayti yaxshi emasligiga asosiy sabab - dizayndagi kamchiliklar hisoblanadi. Shuning uchun dizayner bilan ishlash muhim hisoblanadi. O’zingiz dizayn tayyorlashga harakat qilmasligingizni maslahat beraman, albatta agar bu sohadan habaringiz bo’lmasa. Bir chetdan, o’zbek veb-saytlarini nishonga olishni boshlang, balki tayyorlagan ishingizni kompaniyaga sotishni ham uddalarsiz. Bunga aniq bir manbani keltirib o’tmayman, sababi biror kompaniyani qo’l bilan ko’rsatib yomonlash yaxshi emas. Lekin ishonavering, o’zbek kompaniylari ichda ta’mir talab veb-saytlar anchagina.
3. Tekinga ulashing
   Dasturlashga oid bo’lgan murakkab ishlarni tayyorlang va ochiq platformalarga, tekinga yuklab qo’ying. Bunda yaxhsi ish topishingiz, avalgilari singari tayyorlagan ishingiz siaftiga bog’liq bo’ladi. Bu holatda sizga chet davlatlaridan ishlar chiqsa ham ajab emas. Yaxshi kod yozsangiz barcha joyda sizni qadrlashadi. Maosh ham shunga yarasha bo’ladi.

ENG MUHIMI
Endi eng asosiysini aytib o’tay. Shaxsiy veb-saytingizni tayyorlang va u yerga ham portfolioingizni ya’ni qilga ishlaringizni joylashtiring. Bir necha ish yuklaganingizdan so’ng esa, hech qanday kompaniyaga ishga kirish haqida o’ylamasdan, o’zingiz ish olib ishlashni boshlashingiz ham mumkin bo’ladi.

Xulosa
Umumiy qilib aytadigan bo’lsam yuqoridagi usullardan birni tanlab, loyoha tayyorlang va shaxsiy saytingizga loyihani yuklab qo’ying. Agar ish suhbatiga boradigan bo’lsangiz ham, portfolio saytingiz haqida ma’lumot berib o’ting. Shunda ish stolini oson egallaysiz. Menimcha sizga hech qanday baxona qoldrimadim. Barcha narsa uchun yechim yuqorida bor, shunchaki ishni boshlashingiz qoldi halos.

*Yuqoridagi usullar dizaynerlarga ham birdek to’g’ri keladi, faqatgina dasturchi o’rniga dizayner va veb-sayt so’zi o’rniga maket so’zini qo’ysangiz kifoya. Eng muhimi baxona qidirmaslik.

Agar yuqoridagilarni o’qib turib ham boshlay olmayotgan bo’lsangiz, Telegramdagi blogimni kuzatib boring. O’qib borib albatta biror kun ishni boshlashga o’znigzda kuch topasiz. Shuningdek, bu maqolani hali bir necha marotaba yangilashimga ishonaman, chunki hozirning o’zida bir necha usul haqida yozmay ketayabman. Kuzatib boring !

Dasturlash haqida o'qib borish: @the_muhammadbobur