Kim dasturchiyu, kim dasturchi emas ?

The_Muhammad 1914 28 Apr 2020

Hullas texnologiyalarga oid barcha ishlarini meni yelkamga yuklashni boshlashgan.

1



Doimo do’stlarim, tanishlarim kasbing nima deb so’rashganda, o’zimning dasturchi ekanligimni aytaman. Afsuski ular dasturchi so’zini noto’g’ri tushinib qolishgan va kasbimni bilgandan so’ng mendan turli hil ishlarni amalga oshirishni iltimos qilishni boshlashadi. Masalan: Antivirus o’rnatish, kompyuterlarini tuzatib berish yoki yaxshiroq ilovalar va o’yinlar yozib berish. Ba’zan taniqli veb-saytlarga hujum uyishtirshimni ham so’raganlar bo’lgan. "Haker edinku ijtimoiy tarmoqdagi kuzatuvchilarimni ko’paytirib ber", deganlar ham bir nechta topiladi. Hullas texnalogiyalarga oid barcha ishlarini meni yelkamga yuklashni boshlashgan.

Qo’limdan kelsa marhamat deyamanu, lekin ba’zan men uddalay olmaydigan ishlarni ham iltimos qilishadi. Shunda qo’limdan kelmasligini aytsam, aslida u iltimos qilgan ishlar dasturchining ishlari emasligini tushintirsam, demak sen sohangni yaxshi tushunmas ekansan-da deganlarida, asablarim taranglashishni boshlaydi. Shu sababli shu maqolani yozishni maqsad qildim.

Dasturchi kim va vazifasi nima?
Dasturchi - biron bir dasturlash tili yordamida ilova, veb-sayt, tarmoq va shunga o’xshash texnik ishlarni amalga oshiruvchi dasturlarni ishlab chiqaruvchi va rivojlantiruvchi hisoblanadi. Yuqoridagilardan endi bizga ma’lumki dasturchining vazifasi dasturlarni ishlab chiqsh yoki uni yanada takomillashtirishdir.

Kimlar dasturchi emas?
Insonlarga texnik hizmat ko'rsatadigan, masalan: biror tayyor o'yin yuklab o'rnatib beradigan, kompyuter va telefonlarni sozlaydigan yoki boshqa shunga o'xshash ishlarni amalga oshiradigan insonlarni dasturchi deb bo'lmaydi. Qisqa aytganda siz bilgan "Malika" bozorida ishlaydigan insonlarning ko'pchiligi dasturchi emas. Ular yuqorida ta'kidlaganimdek texnik hizmat ko'rsatuvchi insonlar hisoblanadi.

Yuqoridagilar bizga shuni isbotlaydiki dasturchi biron dasturlash tilida kod yozadi hamda ishlab chiqarish va takomillashtirish bilan shug'ullanadi. Texnik hizmat ko'rsatuvchilar esa sizga ma'lum bo'lgan sozlash, ilovalarni o'rnatish va shunga o'xshash boshqa ishlar bilan shug'ullanadilar.

 

Umid qilamanki bu kichik maqola orqali siz dasturchi va texnik hizmat ko’rsatuvchi insonlarning farqi haqida biroz bo’lsada ma’lumotga ega bo’ldingiz va endi dasturchi tanishlaringiz sizga boshqa ishlarni qilishda yordamlashayotganlarida, bu aslida ularning vazifasi emasligini va faqat siz uchun qilayotganlarini unitmaysiz.

Aytgancha men do’stlarimning kuzatuvchilarini suniy yo’llar bilan ko’paytirb bermaganman, aslida buni amalga oshirish qiyin ish bo’lmasada. Sababi bu ishni hatto o’zim uchun amalga oshirishni ham hohlamayman. O’zini aldashdan nima foyda ?

Dasturlashga oid maqolalarni Telegramdagi sahifam orqali o’qib boring.

Izohlar
  • AMT Academy

    mendayam juda ko'p bo'ladi shunaqa holatlar. Oxirgi paytlarda nima ish bilan shug'ullanishimni so'rab qolishsa dasturchiman demay qo'yganman.

    Javob berish 3 yil avval
Izoh qoldirish uchun avval ro'yxatdan o'ting Ro'yxatdan o'tish