Dasturchi sifatida qanday qilib o’zimga to’g’ri narx belgilayman ?

The_Muhammad 59 28 Apr 2020

Biron bir ishni boshlayabsizmi, albatta eng avval bir necha narsaga e’tibor qaratish kerak bo’ladi.

1

Biron bir ishni boshlayabsizmi, albatta eng avval bir necha narsaga e’tibor qaratish kerak bo’ladi. Bu muhim ishlar orasida, kelajakdagi kasbingizning sizga keltiradigan daromadi ya’ni maoshi ham o’rin egallashi muhim hisoblandi. Albatta agar u sizga yaxshi foyda keltirmasa yoki hech qanday zavq bermasa u ishni qilishingiz, umringizni zoye qilish bilan barobardir. Ba’zilar yaxshi jamoa bo’lsa tekinga ishlashga ham roziman deyishadi, lekin bu ham vaqtinchalik gaplar. Albatta ular jamoa muvaffaqiyatga erishgandan so’ng yaxshi foyda olishlariga ko’zlari yetkani uchun shunday qiladilar. Istaysizmi, yo’qmi, moddiy ta’minot inson uchun kerak bo’lgan narsalardan biri hisoblanadi.

Bu maqolada sizga dasturchi sifatida o’zingizga to’g’ri narx belgilash uchun, o’zim bilgan ikki to’g’ri yo’lni ko’rsataman:

  1. Stack overflow - agar siz dasturlash bilan shug’ullansangiz bu veb-sayt haqida ma’lomutga ega bo’lsangiz kerak. Deyarli barcha savolingizga shu veb-sayt orqali javob topishingiz mumkin. Shu qatori maosh masalasida ham. Buning uchun u yerda savol berib o’tirishim kerakmi deysizmi ? Albatta yo’q. Stack overflow sizga kompaniyalar dasturchilar uchun taklif qilayotgan narxlar haqida ma’lumot berib boradi. Shingdek o’zingizning tajribangiz, bilim darajangiz va qayerdan ekanligingizni kiritsangiz, qancha maoshga loyiq ekanliginingizni bilib olish imkonini taqdim qiladi. Bilishimcha, o’zbekiston uchun maoshlar narxini chiqarmaydi. Lekin kelajakda chet elda ishlashni niyat qilgan bo’lsangiz siz uchun ayni muddao. Faqat takliflarni o’qib borish emas, balki agar kompaniya talablariga javob bersangiz unda sizga ishlash imkonini ham taqdim etadi. Qisqa qilib aytganda: kompaniya va ishchini birlashtiruvchi manzil.
  2. Ikkinchi yo’l albatta faqat O’zbekiston sharoiti uchun moslashgan desam xato bo’lmaydi. Bu Ustoz Shogird Uzgeeks telegram kanali. Kanal orqali zamonaviy kasblarga bo’lgan talab va takliflarni kuzatib borish mumkin. Bu yerda men nima qilishim kerak degan savol tug’ilgan bo’lsa kerak. Kanlani kuzatib boring va sizdagi bilimlar bor insonga qanday takliflar, narxlar va qulayliklar taqdim qilishmoqda. Umumiy qilib bilimingizga bo’lgan o’rtacha narxni bilib olasiz. Agar taklif to’g’ri kelsa, bog’lanib kompaniyaga ishga kirasiz. Hammasi oddiy.

Bu kichik maqola asosan o’z qadrini va vaqtini befoyda jamoalarda yoqotayotgan do’stlarimizga foydali bo’ladi degan umiddaman. Zero, ular mana shu ikki manbadan foydalanishsa hozirgi jamoalaridan ancha yaxshirog’ini topishlari mumkin.

Agar maqola foydali bo’lgan bo’lsa mening yozib, sizning o’qib ketkazgan vaqtingiz zoye ketmabdi.

Dasturlash haqida o'qib borish: @the_muhammadbobur

Izohlar
Izoh mavjud emas
Izoh qoldirish uchun avval ro'yxatdan o'ting Ro'yxatdan o'tish