Dasturchilarda uchraydigan muammolar (1-qism)

The_Muhammad 1080 02 May 2020

Maqolada aksariyat dasturchilar, xususan o’zim bilan ham yuzaga kelgan muammolar va ular uchun yechimlar haqida ma’lumot berib o’tmoqchiman.

1

?‍? Dasturlashni endi boshlagan insonda turli xil muammolar yuzaga keladi. Maqolada aksariyat dasturchilar, xususan o’zim bilan ham yuzaga kelgan muammolar va ular uchun yechimlar  haqida ma’lumot berib o’tmoqchiman. Umid qilamanki, bu maqolani o’qiganingizdan so’ng siz shu kabi muammolarni osonlik bilan yengib o’tasiz :)
 

1. Yodlab olishga harakat qilmang.

? Dasturlashga endi kirib kelgan chog’imda doimo har bir kodni yodlab olishga harakat qilar edim. Lekin, tan olish kerakki har bir narsani yodlab olish keraksiz va foydasiz amal. Shunchaki o’rgangan narsangizni amaliyotda qo’llang, natijalarni tekshirib ko’ring. Faqat shu usul bilangina, yaxshi mutaxassis bo’la olasiz. Sizdan talab qilinadigan ish umumiy tushunchalarni anglab yetish. Biror kodni unutsangiz, uni Internetdagi manbalardan qarab olishingiz mumkin.Shunday ekan kodlarni yodlab olish uchun qimmatli vaqtingizni sarflab o’tirmang.

 

2. Amaliyot bilan o’rganing

?‍♂️ Yuqorida ta’kidlaganimdek barcha narsani yodlab olish foydasiz vazifa bo’lsa, o’rganganlaringizni amaliyotda qo’llamaslik undan ancha yomonroq holat. Barchasini o’rganib olib, so’ng yangi “Facebook”-ni birdaniga ixtiro qilaman deb o’ylamang. Amaliyotsiz dasturlashni o’rganib bo’lmaydi. Yaxshisi har bir yangi bilim asnosida kichik loyihalar tayyorlang. O’rgangan hech bir narsangizni foydalanmay qoldirib ketmang.  

 

3. Dasturlash haqida kitob qidirishni bas qiling !

? Dasturchi bo’lish istagida harakat qilayotgan ko’plab insonlarni bilamanki ularning aksari faqatgina dasturlash haqida kitob qidirsh bilan ovora. Dasturlashni shunchaki kitob o’qish bilan o’rganib bo’lmaydi. Avvalroq ta’kidlaganimdek amaliyotsiz hech narsaga erishib bo’lmaydi, faqat amaliyot bilangina yozgan kodingizdagi muammolarini ko’rish va ularni yechish imkoniga egasiz. Unda nimadan boshlashni maslahat berasiz deysizmi? Sizga boshlashingiz uchun w3schools (https://www.w3schools.com/), html.com (https://html.com/),  css-tricks (https://css-tricks.com/), MDN (https://developer.mozilla.org/en-US/) kabi veb-saytlarni yoki "Qanday qilib dasturchi bo'lish mumkin? (https://t.me/the_muhammadbobur/49)" maqolani o’qishni maslahat beraman.  

 

4. Sizga MacBook yoki 3ta monitor kerak emas.  

? Ko’pchilik insonlar dasturchi bo’lish uchun kuchli kompyuter kerak deb o’ylashadi. Albatta, tezkor kompyuterlar sizga qo’shimcha qulaylik keltiradi, lekin dasturlashni boshlash chog’ida sizga bunday qulayliklar zarur bo’lmaydi. Dasturlashni boshlash uchun kuchli kompyuter yoki bir nechta monitor olishni kutib o’tirmang, sizga oddiy kompyuter ham ko’plab veb-saytlar va dasturlarni tayyorlashda yordam bera oladi.

 

5. Katta harf bilan kichik harf orasidagi farqni unutmang.

⌨️ Bu belgilovchilar bilan ishlashni boshlagan barcha dasturchilarda muammo bo’lgan bo’lsa kerak. Unutmang dasturlashda sarlavhada yozilganidek katta harf bilan kichik harf orasida katta farq bor. Umuman olganda ular boshqa-boshqa belgilar. Chalkashtirib yubormang. Chalkashtirib yuborsangiz ham asabni asrang?

 

Dasturlash haqida maqolalar: @the_muhammadbobur

Izohlar
Izoh qoldirish uchun avval ro'yxatdan o'ting Ro'yxatdan o'tish